Mánudaginn 9. Ágúst gengum við upp á Þverbrekkhnjúk í Öxnadal. Það hafði staðið til að fara á þennan tind í nokkurn tíma, aðeins í góðu veðri þó, og svo þegar veðrið bauð upp á það var stokkið til.

13 tindar eru fyrri hluti af 24 tindum Glerárdalshringsins og miðvikudaginn 28. Júlí lögðum við upp Hlíðarfjall áleiðis yfir fyrstu 13 tindana. Ekki var nú veðurguðinn góður við okkur því þoka lá yfir fjöllunum og smá súld en mjög hlýtt og héldum við í þá von að fá útsýni upp á toppunum.

Mánudaginn 26.júlí lögðum við upp Sauðdalinn á leið upp á Kerahnjúk. Veðrið var gott, logn, sól og hitinn á bilinu 15°C og hækkaði upp í 20°C undir skálinni undir Kerahnjúk. Við gengum upp úr skálinni á milli Kerahnjúks og Bassa og þræddum svo suður hrygginn upp á Kerahnjúk.

Fimmtudaginn 15. Júlí fórum við með starfsfólk Samherja upp á Kerlingu og yfir á Súlur , 20 km leið og 2000 m. samanlögð hækkun. Þetta er annað árið í röð sem við hjá Naturalis leiðsegjum þessu frábæra starfsfólki Samherja því fyrir ári síðan fórum við þessa sömu leið og tóku þá 10 manns þátt í þeirri göngu.